सिरहा । अवैध लागू औषध सहित तीन जना सिरहामा पक्राउ परेका छन् ।
तालुक २ नं. प्रदेश प्रहरी कार्यालय जनकपुर तथा ईलाका प्रहरी कार्यालय लहानबाट खटिएको प्रहरी टोलीले सिरहाको लहान नगरपालिका ५ स्थितमा चेकजाँचको क्रममा अवैध लागू औषध ब्राउन सुगर ८ ग्राम सहित तीन जना लाई पक्राउ गरेको हो ।पक्राउ पर्नेमा लहान नगरपालिका वडा नं. २४ मनिकदह बस्ने १८ वर्षीय मनदिप विश्वकर्मा, लहान नगरपालिका वडा नं. ५ बस्ने ५२ वर्षीय रामदेव यादव र लहान नगरपालिका वडा नं. ५ बस्ने २५ वर्षीय दिपेन्द्र यादव रहेका छन् ।
उनीहरु तिनै जना लाई नियन्त्रणमा लिएर ईलाका प्रहरी कार्यालय लहानबाट थप अनुसन्धान भईरहेको प्रहरी ले जनाएको छ ।
