सिमरा । बाराको सिमरा देखि पोखरासम्म भदौ १६ गतेदेखि बुद्ध एयरले सिधा उडान सुरु गर्ने भएको छ । बुद्ध एयरले सुरमा आईतबार, बुधबार र शुक्रवार सिमरा–पोखरा सिधा उडान गर्ने छ । सिमराबाट पोखराको उडान समय १३ः१५ र पोखराबाट सिमरा उडानको समय १२ः२० तोकेको छ ।

तत्कालका लागि १८ सिटको हवाईजहाजबाट शुरु गर्ने र यात्रुहरुको माग र आवश्यक्ता अनुसार सिट संख्या बढाउँदै लैजाने बुद्ध एअरको वीरगञ्ज सिमराका स्टेशन म्यानेजर सुरेश कुमार रेग्मीले बताउनुभयो ।

त्यस्तै बुद्ध एयरको भगिनी संस्था बुद्ध होलिडेजले सिमरा–पोखरा प्याकेजका लागि १० हजार ९९९ मा २ रात ३ दिनको प्याकेज दिने कम्पनीले जनाएको छ ।