सर्लाही । सर्लाहीमा पेस्तोल सहित दुई जना पक्राउ परेका छन् ।इलाका प्रहरी कार्यालय बरहथवाबाट खटिएको टोलीले बजारमा चेकजाँचका क्रममा पेस्तोलसहित दुबैजना लाई पक्राउ गरेको हो ।

पक्राउ पर्नेमा बागमती नगरपालिका–८ गाजलीचोकका तारा बहादुर तामाङ र बरहथवा नगरपालिका–५ का अकबर अन्सारी रहेको इलाका प्रहरी कार्यालय बरहथवाका प्रहरी प्रमुख प्रहरी नायब उपरीक्षक उद्धव भाटले बताउनु भयो ।

बीआर ३० जे ३०८० नम्बरको भारतीय मोटरसाइकमा बायाँतर्फको लेगगार्डमा झोलामा झुण्याएर राखेको अवस्थामा उनीहरूको साथबाट पेस्तोलसँगै त्यसमा लाग्ने तीन थान गोली पनि बरामद गरिएको प्रहरी ले जनाएको छ ।

पक्राउ परेका दुबै जना माथि प्रहरीले अदालतबाट म्याद थप गरेर अनुसन्धान गरि रहेको छ । इलाका प्रहरी कार्यालयका अनुसार पक्राउ परेका तामाङ लागूऔषध मुद्दाका समेत फरार प्रतिवादी हुन् ।