कलैया । बारा को सिम्रौनगढ नगरपालिका वडा न. ६ को बिद्यायक होटेलमा पेस्तोल सहित दुई जनालाई प्रहरीले पक्राउ गरेको छ ।
जिल्ला प्रहरी कार्यालय बाराका निमित्त कार्यालय प्रमुख एवं प्रवक्ता प्रहरी नायब उपरीक्षक गौतम मिश्रका अनुसार गोप्य सूचनाको आधारमा मंगलबार दिउँसो एक बजे २ नं. प्रदेश प्रहरी कार्यालय जनकपुर तथा जिल्ला प्रहरी कार्यालय बाराको मातहतमा खटिएको संयुक्त प्रहरी टोलीले सिम्रौनगढ नगरपालिकाका वडा नं. ४ बस्ने राजेश प्रसाद यादब र जितेन्द्र प्रसाद कुशवाहालाई पक्राउ गरिएको हो ।
उनीहरुले लुकाई छिपाई राखेको अवस्थामा मेड इन यूएसए नं. ७७७७० लेखिएको म्याग्जिन सहित पेस्तोल एक थान र एक्स्ट्रा म्याग्जिन एक थान फेला परेको हो । यस विषयमा थप अनुसन्धान भइरहेको जिल्ला प्रहरी कार्यालय बाराले जानकारी दिएको छ ।
