काठमाडौँ । कक्षा १२ को वार्षिक परीक्षा आजदेखि शुरु भएको छ ।
कोरोना भाइरसका कारण यसअघि स्थगित गरिएको परीक्षा राष्ट्रिय परीक्षा बोर्डले सञ्चालन गरेको छ ।
अधिकांश विद्यार्थीले कोरोना भाइरस विरुद्धको खोप लगाइसकेका र सङ्क्रमण पनि विस्तारै नियन्त्रण हुने अनुमान गरी परीक्षा सञ्चालन गर्न लागिएको बोर्डका परीक्षा नियन्त्रक कृष्णप्रसाद शर्माले बताउनु भयो ।
यसअघि साउन ३१ गतेदेखि परीक्षा सञ्चालन गर्ने निर्णय गरिएकोमा बोर्डले अन्तिम समयमा आएर सिसिएमसी को निर्णय बमोजिम स्थगित गरेको थियो । कक्षा १२ को परिक्षा असोज ८ गते सम्म चल्ने छ ।
परीक्षाका लागि आवश्यक सबै तयारी पूरा गरिएको बोर्डले जानकारी दिएको छ । परीक्षा विद्यार्थी आफूले अध्ययन गरेकै विद्यालयमा परीक्षा दिने छन् ।
