रौतहट । रौतहटबाट ठूलो परिणाममा प्रतिबन्धित पटाकासहित एक जना पक्राउ परेका छन् ।पक्राउ पर्नेमा सर्लाही जिल्लाको पर्सा गाउँपालिका–४ का २५ वर्षीय संजित साह रहेका छन् ।ईलाका प्रहरी कार्यालय चन्द्रनिगाहपुरको गस्ती टोलीले चन्द्रपुर नगरपालिका वडा नम्बर ४ स्थित पूर्वपश्चिम राजमार्गमा ग १ ख ६३४१ नम्बरको बसमा चेकजाँच गर्ने क्रममा साहलाई पटाकासहित नियन्त्रणमा लिएको छ । उनले ब्यागमा लुकाई राखेको १ लाख ६२ हजार ४ सय ८४ रुपैयाँ बराबरको बिष्फोटक पदार्थ पटाका बरामद गरिएको प्रहरीले जानकारी दिएको छ । उनलाई विष्फोटक पदार्थ पटाका शीर्षकमा मुद्दा दर्ता गरी जिल्ला अदालत गौरबाट ७ दिनको म्याद थप गरी अनुसन्धान भइरहेको जिल्ला प्रहरी कार्यालय रौतहटले जनाएको छ ।