पर्सा । बाट १० केजी चरेश सहित दुई जना पक्राउ परेका छन । जिल्ला को जगरनाथपुर गाउँपालिका वडा नम्बर २ दशौतास्थित भारतीय सीमाबाट १० किलोग्राम लागुऔषध चरेशसहित २ जना पक्राउ परेका हुन ।
पक्राउ पर्ने मा जिराभवानी गाउँपालिका वडा नम्बर ३ हरैयाका १८ वर्षीय सुनिल माझी र सोही ठाउँका १६ वर्षीय किसन माझी रहेका छन् ।सशस्त्र प्रहरी बोर्डर आउट पोस्ट भिखमपुरबाट खटिएका टोलीले सोमबार बिहान चेकजाँचको क्रममा बि.आर.२२ एक्स २७३८ नम्बरको भारतीय मोटरसाइकलमा सवार ऊनीहरु दुबै जना लाई नियन्त्रणमा लिएको सशस्त्र प्रहरी निरीक्षक राजाराम बस्नेत ले बताउनु भयो ।
ऊनीहरु दुबै लाई चेकजाँच गर्दा मोटरसाइकलमा रहेको झोलामा २० प्याकेट ( १० केजी) चरेश बरामद भएको हो । चरेश र मोटरसाइकलसहित पक्राउ परेका दुवै जनालाई आवश्यक कार्वाहीका लागि इलाका प्रहरी कार्यालय पोखरीयामा बुझाइएको सशस्त्र प्रहरी नायब उपरीक्षक निर्मल थापाले बताउनु भयो ।
