कलैया । कलैया मा आज देखि नगर स्तरीय बास्केटबल प्रतियोगिता सुरु भएको छ ।
बिजया दशमी को शुभ अवसरमा बारा जिल्ला बास्केटबल संघको आयोजना तथा कलैया उपमहानगरपालिका , होटेल करन राज प्यालेस , प्रभु लाईफ ईन्स्योरेन्स ,निलाम्बरी स्टाईलिस कलेक्सन , हिरो मोटर्स , डिके ईन्टरप्राईजेज , बैष्णो ज्वेलर्स र सिद्धार्थ स्विटसको संयुक्त सहयोगमा कलैया उपमहानगरपालिका वडा नं. २ मा रहेको श्री सिध्देवर महादेव मन्दिर प्राङ्गणमा स्थित बास्केटबल ग्राउण्डमा आज देखि नगर स्तरीय बास्केटबल प्रतियोगिता सुरु भएको छ ।उक्त प्रतियोगिता आज २३ गते शनिबार अथार्त आज देखि २६ गते मंगलबार सम्म हुने छ ।
आज उद्घाटन खेलमा प्रभु लाईफ टिम र अबिसु ब्लक उधोग टिमबीच सम्पन्न भयो छ। जसमा अबिसु ब्लक उधोग टिम बिजयी भएको हो । उक्त खेलमा सबैभन्दा बढी बास्केट गर्न सफल भएका अबिसु ब्लक उधोग टिमका इसान ढुंगेललाई म्यान अभ दि म्याचको पुरस्कार प्रदान गरिएको थियो ।
आजको दोस्रो खेल होटेल करन राज प्यालेस टिम र निलाम्बरी स्टायलिस कलेक्स टिम बिच दिउँसो ४ बजे देखि हुने छ ।
उक्त उद्घाटन कार्यक्रम बास्केटबल संघ बाराका अध्यक्ष हरिओम कुमार साहको सभापतित्वमा तथा कलैया उपमहानगरपालिकाका नगर प्रमुख राजेश राय यादवको प्रमुख आतिथ्यता र कलैया उपमहानगरपालिकाका प्रमुख प्रशासकीय अधिकृत नाथु साहको बिशिस्ट आतिथ्यतामा सम्पन्न भएको हो ।
उक्त कार्यक्रमको अतिथीमा समाजसेबी तथा खेलप्रेमि दिब्यनाथ श्रेष्ठ ,प्रभु लाईफ इन्स्योरेन्सका प्रदेश प्रमुख सुदिष्ठ गुप्ता , होटल करण राज प्यालेसका संचालक धनिलाल सरार्फ , हिरो सोरुम संचालक मंतोश चौधरी , एभिन्युज टिभीका बारा संवाददाता अजय साह , लुमन्ति आवाशको लागि सहयोग समूहका अब्दुल कैस ,निलाम्बरी स्टायलिस कलेक्सन संचालक सोएब अंसारी , साझेदारी दैनिकका संवाददाता तथा नेपाल प्रेस युनियन बाराका जिल्ला सदस्य रबिन्द्र प्रसाद साह, लगायतको सहभागिता रहेको थियो। प्रतियोगितामा स्थानिय ४ ओटा टिमको सहभागिता रहेको छ। आजको खेलको रेफ्रीमा रामबिनय जैसवार, सुरज तिवारी र अभिषेक तिवारी रहेका थिए।
सो कार्यक्रमको संचालन बास्केटबल संघ बाराका सचीव सुर्य राज पासवानले गरेका थिए ।
