कलैया । बारामा सवारी दुर्घटनामा परी एक जनाको मृत्यु भएको छ । जिल्ला को जितपुर सिमरा उपमहानगरपालिका–७ गढीमाई मन्दिर अगाडी मोटरसाईकलको ठक्करबाट साईकल यात्रीको मृत्यु भएको हो । मृत्यु हुनेमा वीरगंज महानगरपालिका–१ छपकैया घर भई त्रिबेणी बोरा फ्याक्ट्रीमा कार्यरत ४० वर्षिय बिपिन कर्ण रहेको जिल्ला प्रहरी कार्यालय, बाराका प्रहरी निरीक्षक सुरेन्द्र यादवले बताउनु भयो ।
बिरगंजबाट जितपुर तर्फ जाँदै गरेका कर्णलाई विपरित दिशाबाट आउँदै गरेको ना.६३.प.४११ नम्बरको मोटरसाईकको ठक्कर दिएको थियो । ठक्करबाट गम्भिर घाईते भएका उनलाई उपचारको लागी नारायणी अस्पताल लैजाँदै गर्दा बाटो मै मृत्यु भएको प्रहरी ले जनाएको छ ।
ठक्कर दिने मोटरसाईकलका चालक वीरगंज–३२ परसवा बस्ने २० वर्षिय कनैया चौधरी प्रहरी नियन्त्रणमा छन् ।
