कलैया । रौतहटबाट लागूऔषधसहित दुई जना पक्राउ परेका छन् । पक्राउ पर्नेमा जिल्लाको गौर नगरपालिका १ टिकुलियाका २४ वर्षीय टिन्कु कुमार सिंह र सोही स्थानका १९ वर्षीय रोशन कुमार सहनी रहेका छन्।
सोमबार दिउँसो लागूऔषध बोकेको भन्ने गोप्य सूचनाका आधारमा जिल्ला प्रहरी कार्यालय रौतहटबाट खटिएको टोलीले अनिल मिट हाउस भित्र खाजा खादैँ गरेको अवस्थामा दुवै जनालाई पक्राउ गरिएको जिल्ला प्रहरी कार्यालय रौतहटले जनाएको छ ।
पक्राउ परेका दुबै जना बाट २०० पत्तामा तिन हजार पिस लागुऔषध नाईट्रोभेट र बि आर ०५ ए एल ४०६९ नम्बरको मोटरसाईकल प्रहरीले बरामद गरेको हो । पक्राउ परेका दुवै जनामाथि थप अनुसन्धान भइरहेको जिल्ला प्रहरी कार्यालय रौतहटले जानकारी दिएको छ ।
