कलैया । बीरगन्जको प्रतिमा चौक स्थित ट्रकमा अचानक आगलागी भएको छ । पराल लोड गरी गुडी रहेको ना. २ ख ९६९५ नम्बरको ट्रकमा अचानक आगलागी भएको इलाका प्रहरी कार्यालय श्रीपुरले जानकारी दिएको छ । परालले भरिएको ट्रकमा तार सर्ट भएर आगलागी भएको प्रहरी ले जनाएको छ ।

आगलागीका कारण ट्रकमा भएको पराल र ट्रक पछाडीको बडीमा पुर्णरुपमा क्षती पुगेको स्थानीय प्रहरीको भनाइ छ । घटना स्थलमा पुगेको प्रहरी टोली र दमकलकाे सहयोगमा आगोलाई नियन्त्रणमा लिइएको थियो । उक्त ट्रकमा अचानक आगो लाग्दा सो क्षेत्रका वासिन्दाहरु केही बेर त्रसित समेत भएका थिए ।