
सिमरा । सिमरा रंगशालामा जारी अन्तर विद्यालयस्तरीय फुटबल प्रतियोगितामा नेपाल राष्ट्रिय माध्यमिक विद्यालय अमलेखगञ्ज र नेपाल राष्ट्रिय माध्यमिक विद्यालय सिमरा विजयी भएका छन् ।
ग्रासरुट फाउण्डेसन सिमराको आयोजनामा जारी प्रतियोगिता अन्तर्गत बुधबार भएको पहिलो खेलमा अमलेखगञ्जले लोटस एकेडेमी सिमरामाथी ३–१ को जित निकाल्दै क्वाटरफाईनलमा स्थान बनाएको हो । अमलेखगञ्जको जितमा ब्रिजन नेपाल एक्लैले दुई गोल गरे । अर्को एक गोल अमलेखगञ्जले आत्मघाती उपहार पाएको थियो ।
टिमका लागि दुई गोल गरेका ब्रिजन खेलको म्यान अफ दि म्याच घोषित भए हारसँगै प्रतियोगिताबाट बाहिरिएको ब्राईटरका लागि रोहन श्रेष्ठले सान्त्वना गोल गरेका थिए । बुधबार नै भएको अर्को खेलमा अक्षरा पाठशाला सिमरामाथी १–० को जित हात पार्दै नेरामाबी सिमरा क्वाटरफाईनल प्रवेश गरेको छ । सिमराका साहिल मोक्तानले पेनाल्टीमार्फत गोल गर्दै टिमलाई जित दिलाएका हुन् ।
अक्षराका उज्वल कार्कीले डि–बक्सभित्र फउल गरेपछी सिमराले पेनाल्टीको अवसर पाएको थियो । सोही अवसरलाई सदुपयोग गर्दै साहिलले टिमलाई क्वाटरफाईनलमा पु¥याए । उत्कृष्ट प्रदर्शन गर्दै खेलको म्यान अफ द म्याच भने अक्षराका गोलरक्षक सञ्जय थापा घोषित भए ।
प्रतियागिताअन्तर्गत बिहिबार नेपाल राट्रिय माध्यमिक विद्यालय डुमरवाना सँग सिमरा पब्लिक ईङ्लीस स्कुल र राष्ट्रिय विभुति शिक्षा सदन स्कुल रजघट्टासँग नोबेल एकेडेमी सिमरा खेल्ने प्रतियोगिता संयोजक सोनु क्षेत्रीले जानकारी दिए ।