कलैया । सर्लाहीमा सवारी दुर्घटनामा परी एक जनाको मृत्यु भएको छ ।
पूर्वपश्चिम राजमार्गअन्तर्गत वाग्मती नदी पुलमा टिपरको ठक्कर बाट मोटरसाइकल चालकको मृत्यु भएको छ ।
मृत्यु हुनेमा रिवन नगरपालिका वडा नम्बर ५ बस्ने ३५ वर्षका सुनिल बम्जन रहेका छन् । पश्चिमबाट पूर्वतर्फ जाँदै गरेको ना ७ ख ८३०० नम्बरको टिपरले बा ८४ प ५९०८ नम्बरको मोटरसाइकललाई ठक्कर दिँदा उनको मृत्यु भएको हो ।
गम्भीर घाइते भएका बम्जनलाई उपचारको लागि अस्पताल लैजाँदै गर्दा बाटोमा मृत्यु भएको प्रहरीले जनाएको छ । टिपर चालकलाई प्रहरीले पक्राउ गरेको छ ।
