कलैया । आफ्नै घरमा लागु औषध (गाँजा) को बिक्री गर्ने थलो बनाएका दुईजनालाई पर्सा प्रहरीले ७४ किलो गाँजा सहित पक्राउ गरेको छ । जिल्लाको बहुदरामाई नगरपालीका वडा नम्बर ९ विश्रामपुरका गणेश साह कलाकार र उनका छोरा संतोष साह कलवार लाई प्रहरीले पक्राउ गरेको हो ।
घरको एक तल्लामा गाँजा बिक्रि वितरण गरिरहेको भनी विशेष सुचनाको आधारमा विहिवार बिरगञ्जबाट खटिगएको प्रहरीको टोलीले उनिहरुलाई पक्राउ गरेको जिल्ला प्रहरी कार्यालय पर्सा का प्रब्क्ता प्रहरी नायब उपरीक्षक ओम प्रकाश खनालले बताए ।
घरको पूर्वपट्टीको कोठाको खाटमुनी सुनियोजित तरिकाले लुकाइ छिपाई राखिएको ७४ किलो गाँजा बरामद गरीएको प्रहरी नायब उपरीक्षक खनालले बताए ।
पक्राउ परेका बाबुछोरालाई जिल्ला प्रहरी कार्यालय पर्साको हिरासतमा राखी लागु औषध सम्बन्धी कसुरमा थप अनुसन्धान अगाडि बढाइएको खनालले बताए ।
