कलैया । राष्ट्रिय युवा संघ नेपाल बारा द्वारा आयोजित रक्तदान कार्यक्रम सम्पन्न भएको छ । कलैया स्थित भरत चौकमा सम्पन्न रक्तदान कार्यक्रममा ८० जनाले रक्तदान गरेको राष्ट्रिय युवा संघ नेपाल बाराका अध्यक्ष पुरुषोत्तम साहले बताउनु भयो ।
कोरोना महामारीको बेला नेपाल रेडक्रस सोसाइटी रक्त संचार केन्द्र विरगन्जमा आवश्यक रगत अभाब भएको जानकारी आएपछी रगत अभाब हुन नदिन रक्तदान कार्यक्रम संचालन गरिएको अध्यक्ष साहले जानकारी दिएका छन् । राष्ट्रिय युवा संघ बाराले पहिला देखि नै आफ्नो सकृयतामा बारा जिल्लाको विभिन्न ठाउँमा रक्तदान कार्यक्रमको आयोजना गर्दै आईरहेको अध्यक्ष साहले स्पष्ट पार्नु भएको थियो। उक्त रुक्तदान कार्यक्रममा १५ जना महिला र ६५ जना पुरुषले रक्तदान गरेका थिए ।
उक्त रक्तदान कार्यक्रममा रक्तदाता, पार्टी का नेता तथा युवा संघका नेता लगायत रक्तसन्चार केन्द्र का प्रतिनिधिको उपस्थिति रहेकोे थियो ।
