कलैया । बारामा भारी मात्रामा गाँजा बरामद भएको छ । जिल्लाको सुवर्ण गाउँपालिकास्थित सनफुलवाबाट सशस्त्र प्रहरी बल नेपालले ४५ किलोग्राम अवैध लागूऔषध गाँजा बरामद गरेको हो । तस्करहरुले सनफुलवा नाकामा प्रहरीलाई देख्नसाथ गाँजा फ्याकेर फरार भएका थिए ।
विशेष सूचनाको आधारमा सशस्त्र प्रहरी बल नेपाल २ नम्बर छिन्नमस्ता बाहिनीका प्रमुख प्रहरी नायव महानिरीक्षक गणेश ठाडा मगरको निर्देशनमा नेपालबाट भारततर्फ तर्फ तस्करी गरेर लाग्ने क्रममा उक्त परिणाममा गाँजा बरामद गरिएको हो ।जफत गरिएको गाँजा आवश्यक कारवाहीका लागि जिल्ला प्रहरी कार्यालय बारामा बुझाउने तयारी भइरहेको प्रहरी नायब महानिरीक्षक मगरले बताए ।
