साजिर मन्सुर,कलैया । कलैया मा बिधुत सर्ट भएर आगलागी भएको छ । कलैया उपमहानगरपालिका वडा नम्बर १२ मा आज बिहान ६ बजे एक घरमा आगलागी भएको हो ।
उक्त वडाको धरमनगर निवासी ललन साह गोढको फुसको घरमा बिजुली को तार सर्ट भइ आगलागी भएको वडा अध्यक्ष राजेश्वर प्रसाद केशरी ले बिश्वास एफ एम लाई जानकारी दिएका छन् ।
बिहानको समय मा घरमा कोहि नभएको बेला उक्त आगलागी भएको र स्थानीय को सहयोगमा आगलागी नियन्त्रणमा आएको वडा अध्यक्ष केशरीले बताए । उनले घर जलेर पुर्ण रुपमा नष्ट भएको बताए । आगलागी मा परि करिब १ लाख ५० हजार को क्षती भएको केशरी ले जनाएका छन् ।
उक्त आगलागी मा परि घरमा रहेको लत्ताकपडा , खाद्यान्न सामाग्री , पैसा जलेर नष्ट भएको छ । यद्यपि आगलागी मा कुनै मानविय तथा जनावर को क्षती नभएको अध्यक्ष केशरिले जानकारी दिए ।
