साजिर मन्सूर,कलैया । बाराको देवताल गाउपालिकाको वडा नम्बर १ स्थित बडकि फुलवरियामा निर्माण भएको वडा नम्बर १ र २ को वडा कार्यालय भवन, स्वास्थ्यचौकी भवन तथा वर्थिंग सेन्टरको लोकतान्त्रिक समाजबादी पार्टी (लोसपा) नेपालका अध्यक्ष महन्थ ठाकुरले उदघाटन गरेका छन् । अध्यक्ष ठाकुरलाई बारामा उल्लेख्य संख्यामा लोसपाका नेता कार्यकर्ताले स्वागत गरेका छन् ।
गाउँपालिका अध्यक्ष चन्दन सिंहको अध्यक्षतामा भएको कार्यक्रममा लोसपा मधेश प्रदेश अध्यक्ष जितेन्द्र सोनल, प्रतिनिधिसभा सदस्य एकबाल मियाँ, लोसपा बारा जिल्ला अध्यक्ष तथा जिल्ला समन्वय समितिका प्रमुख नवलकिशोर सिंह, नेताहरु श्याम गुप्ता, डा.कमरुल्लाह अंसारी, हरिनारायण साह लगायतका नेताहरुको सहभागीता रहेको लोसपा युवा नेता अब्बास अन्सारीले जानकारी दिए । त्यी योजनाहरुको उदघाटन पश्चात ठाकुर लगायतका नेताले आमसभालाई सम्बोधन गरेका थिए ।
