साजिर मन्सूर
कलैया,कार्तिक १३
बारा सदरमुकाम कलैया उपमहानगरपालिका वडा नम्बर ६ मा अज्ञात समुहले दिनदहाडै गोलि प्रहार गरेको छ । कलैयाको बाल एकता प्लस टु कलेजका प्रधानाध्यापक रुपेश स्वर्णकार( गुड्डु ) लाई अज्ञात समुहले गोलि प्रहार गरेका छन ।
स्वर्णकार अन्नपूर्ण स्विटस बाट मिठाई किनेर मोटरसाइकलमा बिधालयमा फर्किरहेका बेला मोटरसाइकल मा सवार तीन जना अज्ञात समुहले छाती र टाउकोमा दुई राउन्ड गोलि मारेर फरार भएका छन । एन आई सि बैंक कलैया को दक्षिण मदर्शा टोल जाने बाटोमा स्वर्णकार माथी गोलि प्रहार गरिएको प्रत्यक्षदर्शीहरुले बताएका छन । स्वर्नकारको अवस्था चिन्ताजनक रहेको जनाईएको छ । प्रादेशिक अस्पताल कलैयामा उपचार हुन नसकेपछि उनलाई एल एस न्युरो अस्पताल परवानिपुर मा रेफर गरिएको छ । गोलि चलाउने को खोजी कार्य भैरहेको बारा प्रहरीले जनाएको छ । 
